Հնարավորինս շուտ հեռանալ Լիբանանից․ Մեծ Բրիտանիան զգուշացնում է
Մեծ Բրիտանիան ժամանակավորապես հետ է կանչել Իսրայելի հետ սահմանակից Լիբանանում գտնվող իր դեսպանատան որոշ աշխատակիցների։ Այս մասին հայտնում է Թագավորության արտաքին գործերի նախարարությունը։
Բացի այդ, նրանք քաղաքացիներին խորհուրդ են տվել ձեռնպահ մնալ Լիբանան մեկնելուց, իսկ արդեն այնտեղ գտնվող քաղաքացիները պետք է անհապաղ լքեն երկիրը։
«Եթե դուք այժմ գտնվում եք Լիբանանում, խորհուրդ ենք տալիս հեռանալ հենց հիմա, քանի դեռ առկա են կոմերցիոն տարբերակները», - ասվում է հաղորդագրության մեջ:
Հետ կանչված դիվանագետների թիվը չի նշվում։
