ՏԵՍԱՆՅՈՒԹ. Տղամարդը կրակոցներ է արձակել. ինչ է կատարվել Համբուրգի օդանավակայանում
Համբուրգի օդանավակայանը դադարեցրել է աշխատանքը զինված տղամարդու պատճառով, ով մեքենայով դուրս է եկել թռիչքուղի և կանգ առել Turkish Airlines-ի ինքնաթիռի մոտ: Տեղեկատվությունը փոխանցում է kommersant.ru-ն:
Տղամարդը, ով, ենթադրաբար, 35 տարեկան է, ավտոմեքենայով ճեղքել է անվտանգության պատնեշը։ Նա երկու կրակոց է արձակել օդ եւ մեքենայից վառվող Մոլոտովի կոկտեյլներ նետել: Այս մասին հայտնել է տեղի ոստիկանությունը: Նշվում է, որ հրշեջները մարել են հրդեհի օջախները։ Ոչ ոք չի տուժել։
