Ռուսաստանը Հայաստանի հետ համաձայնագիր չի կնքի Հռոմի ստատուտի պահանջները շրջանցելու համար. ռուս սենատոր
Ռուսաստանը Հայաստանի հետ համաձայնագիր չի կնքի, որ Երևանը կարողանա շրջանցել Միջազգային քրեական դատարանի Հռոմի ստատուտի պահանջները: Այս մասին, Инфотека24-ի հաղորդմամբ, հայտնել է ռուս սենատոր Վլադիմիր Ջաբարովը:
Ավելի վաղ Ազգային ժողովի փոխխոսնակ Հակոբ Արշակյանը հայտնել էր, որ Հռոմի ստատուտի վավերացման ֆոնին Հայաստանը դիվանագիտական խողովակներով Ռուսաստանին առաջարկել է երկկողմ միջպետական համաձայնագիր ստորագրել, որը կբացառի միջազգային դատարանի որոշումների կիրառումը երկու երկրներին վերաբերող հարցերում:
ԱԺ փոխխոսնակը հավելել էր, որ Երևանը Վաշինգտոնի հետ ևս նման համաձայնագիր ստորագրել է։
