Ռուս-ուկրաինական պատերազմի մասին՝ Մասկի կանխատեսումները
Ամերիկացի գործարար Իլոն Մասկը հայտարարել է, որ Կիևը չի կարող հաղթել Ռուսաստանի հետ հակամարտությունում: Այս մասին նա հայտնել է X-ի իր միկրոբլոգում։
«Այդ վերլուծությունը ճիշտ է»,– գրել է Մասկն՝ արձագանքելով գործարար Դևիդ Սաքսի հրապարակմանը X-ում, որտեղ նա վերլուծել է The Time ամսագրի հոդվածը Ուկրաինայի նախագահի մասին:
Մասկը նաև համաձայնել է, որ Ուկրաինայի առաջնորդ Վլադիմիր Զելենսկին չի ցանկանում ընդունել Ուկրաինայի պարտությունը ռազմական գործողությունների գոտում:
«Զելենսկուն նկարագրում են որպես «իրականությունից կտրված»՝ մարտադաշտի իրողությունները ճանաչելու անկարողության և Ռուսաստանի հետ խաղաղ բանակցությունները դիտարկելու դժկամության համար։ Ուկրաինայի ռազմական նպատակներն անիրատեսական են»,- հայտարարել է Սաքսն իր հրապարակման մե։
Ավելի վաղ Մասկը գնահատել էր Զելենսկու արտահայտած ցանկությունը՝ հաղթել Ռուսաստանի հետ հակամարտությունում՝ չնայած Կիևի անհաջողություններին գրելով՝ «երիտասարդության ծաղիկը չպետք է իզուր մեռնի»։
