Պատժամիջոցները հարվածում են հենց այն պետությունների շահերին, որոնք սահմանել են դրանք․ Պեսկով
Արևմուտքը շարունակում է պատժամիջոցային ճնշումը Ռուսաստանի վրա, թեև արդեն գաղափարների պակաս ունի և ինքն էլ խնդիրների է բախվում։ Լրագրողների հետ զրույցում նման կարծիքէ հայտնել ՌԴ նախագահի մամուլի քարտուղար Դմիտրի Պեսկովը: Տեղեկությունը փոխանցում է ՏԱՍՍ-ը։
«Եվ ԱՄՆ-ն, և Եվրամիությունը կշարունակեն նոր պատժամիջոցներ հորինել, թեև ակնհայտ է, որ նրանք արդեն գաղափարների պակաս ունեն»,- ասել Է Կրեմլի ներկայացուցիչը:
Պեսկովն ընդգծել է, որ «եւ ԱՄՆ-ում, եւ Եվրամիությունում կա ըմբռնում, որ պատժամիջոցների գործող փաթեթները հարվածում են հենց այն պետությունների շահերին, որոնք սահմանել են այդ պատժամիջոցները»:
