Եվգենի Պրիգոժինի որդին դարձել է «Վագներ»-ի նոր ղեկավա՞րը
«Վագներ» մասնավոր ռազմական կազմակերպության ստորաբաժանումները մտել են Ռոսգվարդիայի կազմի մեջ, իսկ նրանց հրամանատարը դարձել է զոհված Եվգենի Պրիգոժինի որդին՝ Պավելը։ Այս մասին հայտնում է 59.RU պորտալը՝ հղում անելով ընկերության ներկայացուցչին: Տեղեկությունը փոխանցում է lenta.ru-ն։
«Մեզ մոտ ամեն ինչ նախկինի պես է մնացել՝ ատրիբուտիկա, սիմվոլիկա։ Մենք հավաքագրում ենք նրանց, ովքեր արդեն մարտական փորձ ունեն, այդ թվում՝ արդեն եղել են կազմակերպության կազմում»,- ասել է «Վագներ»-ի ներկայացուցիչը։
Հիմնական տարբերությունն այն է, որ այժմ ընկերությունը բանտից մարդկանց չի հավաքագրելու։ Աշխատանք ստանալու համար հարկավոր է տրամադրել ռուսական անձնագիր և մի շարք այլ փաստաթղթեր, այդ թվում՝ լիազորագիր այն անձի համար, ով գումար կստանա կազմակերպության մասնակցի համար:
