Իսրայելական բանակը թունավոր գազ է օգտագործել Գազայի հատված ներթափանցելու փորձի ժամանակ, հայտնում է Al Mayadeen պարբերականը՝ հղում անելով իր աղբյուրներին: Փոխանցում է RT-ն։ 

Ըստ պարբերականի աղբյուրների տվյալների՝ թունավոր նյութն օգտագործել են գործողության հիմնական շրջաններում, մասնավորապես՝ Բեյթ Լահիայում եւ Բեյթ Հանունում։

Ընդ որում, պարբերականը չի հստակեցնում, թե կոնկրետ որ գազի մասին է խոսքը։

Ավելի վաղ Իսրայելի բանակը հայտարարել էր, որ վերջին մի քանի օրվա ընթացքում հարվածներ է հասցրել ՀԱՄԱՍ-ի ավելի քան 600 օբյեկտների:

ՑԱԽԱԼ-ում հայտնել են նաև Գազայի հատվածում տասնյակ արմատականների ոչնչացման մասին, որոնք բարիկադավորվել են շենքերում և թունելներում: