Չինաստանի ԱԳՆ ղեկավարն ԱՄՆ–ում է. նա և Բայդենը հանդիպել են
ԱՄՆ նախագահ Ջո Բայդենը և Չինաստանի արտաքին գործերի նախարար Վան Ին քննարկել են երկկողմ հարաբերությունները և երկրների միջև մրցակցությունը, հայտնում է Սպիտակ տունը։
«Նախագահը նշել է, որ և՛ Միացյալ Նահանգները, և՛ Չինաստանի Ժողովրդական Հանրապետությունը պետք է իրենց հարաբերություններում պատասխանատու մոտեցում ցուցաբերեն մրցակցության նկատմամբ և պահպանեն հաղորդակցության բաց ուղիները», - ասվում է հայտարարության մեջ։ Բայդենը նաեւ նշել է, որ ԱՄՆ-ն ու Չինաստանը պետք է միասին աշխատեն գլոբալ խնդիրները լուծելու համար։
ԱՄՆ նախագահը նաեւ իր ցավակցությունն է հայտնել Չինաստանի նախկին պետական խորհրդական Լի Կեցյանի մահվան կապակցությամբ, ով կյանքից հեռացել է 68 տարեկանում։
Վան Ին Վաշինգտոնում կլինի հոկտեմբերի 26-ից 28-ը։ Նա պետք է նաև հանդիպումներ ունենա ԱՄՆ պետքարտուղար Էնթոնի Բլինքենի և ԱՄՆ ազգային անվտանգության հարցերով խորհրդական Ջեյք Սալիվանի հետ։
