Տեղեկություններ են տրամադրվել Բայդենի ընտանիքի հնարավոր հանցագործությունների մասին
Ավելի քան 40 գաղտնի ինֆորմատոր Հետաքննությունների դաշնային բյուրոյին տեղեկություններ է տրամադրել Բայդենի ընտանիքի հնարավոր հանցագործությունների մասին, սակայն հետաքննություն դեռևս չկա։ Այս մասին հաղորդում է Fox News-ը՝ վկայակոչելով հանրապետական սենատոր Չակ Գրասլիին։
Սենատորը նշել է, որ Բայդենի ընտանիքի հնարավոր հանցագործությունների մասին տեղեկությունները վարչությունում ստանալուց հետո հետաքննվել են ՀԴԲ-ի տարբեր ստորաբաժանումներում, այդ թվում՝ Սիեթլում գտնվող գրասենյակում։
Ըստ հանրապետականի՝ Վաշինգտոնի գրասենյակից ՀԴԲ աշխատանքային խմբի կողմից տվյալների հավաքագրումը կանխվել է. այն որակվել է որպես օտարերկրյա ապատեղեկատվություն:
