Իսրայելում բացատրել են, թե ինչու Գազայի հատված վառելիք չեն ուղարկի

Իսրայելը Գազայի հատված վառելիք տեղափոխելու թույլտվություն չի տա, քանի որ մտավախություն կա, որ ՀԱՄԱՍ-ը «կգողանա» այն: Այս մասին հայտնել է Իսրայելի վարչապետի ավագ խորհրդական Մարկ Ռեգևը: Տեղեկատվությունը փոխանցում է ՌԻԱ Նովոստին:

Նա նշել է, որ Իսրայելը դրա թույլտվությունը չի տա նույնիսկ ՀԱՄԱՍ-ի բոլոր պատանդներին ազատ արձակելու դեպքում:

«Ներկայումս մենք շահագրգռված չենք, որ ավելի շատ վառելիք մտնի ՀԱՄԱՍ - ի ռազմական մեքենա, և մենք վառելիքի (փոխադրման-խմբ.) թույլտվություն չենք տվել, մենք տվել ենք դեղորայքի, ջրի թույլտվություն։ Մենք սննդի թույլտվություն ենք տվել, այլևս ոչինչ չենք թույլատրել։ Կառավարության որոշումն այն է, որ վառելիքը չեն տեղափոխում, քանի որ այն կարող է գողանալ ՀԱՄԱՍ - ը եւ օգտագործել այն հրթիռները սնուցելու համար, որոնք արձակվում են Իսրայելի ուղղությամբ ՝ մեր ժողովրդին սպանելու նպատակով», - հայտարարել է Ռեգևը։