Վրաստանը չի մասնակցի «3+3» ձևաչափով հանդիպմանը

Վրաստանը չի մասնակցի տարածաշրջանային խորհրդակցական հարթակի («3+3») շրջանակում հանդիպումներին: Այս մասին հայտարարել է Վրաստանի ԱԳՆ-ն:
 

«Վրաստանը չի մասնակցում վերոնշյալ հանդիպմանը և երբեք չի մասնակցել»,- նշվում է հայտարարության մեջ:

Ավելի վաղ ՀՀ ԱԳՆ խոսնակ Աննա Բադալյանը հայտնել էր, որ հոկտեմբերի 23-ին ՀՀ արտաքին գործերի նախարար Արարատ Միրզոյանն իրանական կողմի հրավերով Թեհրանում կմասնակցի տարածաշրջանային խորհրդակցական հարթակի («3+3») հանդիպմանը: Նշվում է, որ ացի ընթացքում նախատեսված են նաև երկկողմ հանդիպումներ:

«3+3» ձևաչափով (Ադրբեջան, Հայաստան, Վրաստան, Իրան, Ռուսաստան և Թուրքիա) հանդիպում անցկացնելու նախաձեռնության հեղինակը Թուրքիայի նախագահ Ռեջեփ Էրդողանն է: Առաջին հանդիպումը տեղի է ունեցել 2021 թվականի դեկտեմբերի 10-ին Մոսկվայում: