Որն է «3+3» ձևաչափով հանդիպման հիմնական նպատակը. Իրանի դեսպանը պարզաբանում է
Մոսկվայում Իրանի դեսպան Քազեմ Ջալալին հայտարարել է, որ Թեհրանում «3+3» ձևաչափով հանդիպման հիմնական նպատակն ու օրակարգը տարածաշրջանային կայունության, խաղաղության և անվտանգության ամրապնդումն է: Տեղելությունը հայտնում է Pars Today-ը։
«Թեհրանում կազմակերպված հանդիպման օրակարգի գլխավոր հարցը տարածաշրջանային կայունության, խաղաղության և անվտանգության ամրապնդումն է Իրանի հարևանության քաղաքականության շրջանակում: Խոսքը տարածաշրջանի երկրների համագործակցության և փոխգործակցության հարցերի ու արտաքին խաղացողների չմիջամտելու մասին է»,– ասել է Ջալալին:
Իրանի մայրաքաղաքում այսօր կայանալու է Իրանի, Հայաստանի, Ռուսաստանի, Ադրբեջանի և Թուրքիայի արտգործնախարարների հանդիպումը: Ձևաչափը նախատեսում է նաև Վրաստանի մասնակցությունը, սակայն Թբիլիսին հրաժարվել է միանալ դրան։
