Կիեւը ԵՄ-ից ստացել է ֆինանսական օգնության հերթական տրանշը

Ուկրաինան Եվրամիությունից ստացել է մակրոֆինանսական օգնության 9-րդ տրանշը՝ 1,5 մլրդ եվրոյի չափով: Այս մասին հայտարարել է Ուկրաինայի վարչապետ Դենիս Շմիգալն իր Telegram-յան ալիքում:

Նա ընդգծել է, որ ընթացիկ տարվա ընթացքում Եվրամիության բյուջետային աջակցությունը կազմել է 15 միլիարդ եվրո: Վարչապետի խոսքով՝ այդ գործոնը կարեւորագույններից մեկն է եւ օգնում է երկրին «լինել տնտեսապես ուժեղ եւ կայուն»:

«Այժմ Եվրահանձնաժողովի հետ համատեղ աշխատում ենք Ukraine Facility նոր երկարաժամկետ ծրագրի վրա՝ 50 մլրդ եվրո ընդհանուր ծավալով։ ակնկալում ենք հաջորդ տարի դրանցից ստանալ18 մլրդ եվրո», — գրել է Շմիգալը։

Ավելի վաղ Եվրահանձնաժողովի ղեկավար Ուրսուլա ֆոն դեր Լյայենը հայտարարել էր, որ Եվրամիությունը 2022 թվականից Ուկրաինային 90 մլրդ եվրո է հատկացրել։