Հյուսիսային Կորեան ԱՄՆ-ին մեղադրել Է Իսրայելում հակամարտության սրման մեջ

ԱՄՆ-ն ակտիվորեն աջակցում է պատերազմին և փորձում է մեղքը բարդել պաղեստինյան կողմի վրա, չնայած ինքն է հրահրում հակամարտությունը:

Այս մասին գրում է Հյուսիսային Կորեայի կենտրոնական լրատվական գործակալության (ՑՏԱԿ) հաղորդագրության մեջ։

Իրավիճակը տարածաշրջանում շարունակում է վատթարանալ և մոտենում է «լայնամասշտաբ պատերազմի»: ՑՏԱԿ-ը մատնանշում է Իսրայելին ամերիկյան զենքի մատակարարումները և հակամարտության սուր փուլի սկսվելուց անմիջապես հետո տարածաշրջան ավիակիրներ ուղարկելը:

Բացի այդ, ամերիկացի բարձրաստիճան պաշտոնյաներն ակտիվորեն աջակցում են պատերազմին և արգելափակում են տարածաշրջանում իրավիճակի կայունացմանն ուղղված նախաձեռնությունները:

ՑՏԱԿ-ն ընդգծում է, որ ԱՄՆ-ի երկակի քաղաքականությունը սպառնում է համաշխարհային ասպարեզում կայունությանն ու անվտանգությանը:

«Մերձավոր Արևելքում զանգվածային սպանդն ուժեղանում է ԱՄՆ-ի կանխակալ և կանխամտածված հրահրման պատճառով»,- ասվում է հոդվածում:

Հյուսիսայսին Կորեան նաև անհամաձայնություն է հայտնել Վաշինգտոնի անցյալ շաբաթ ՄԱԿ-ի Անվտանգության խորհրդի բանաձևի վրա վետո դնելուն, և կոչ է արել ապահովել մարդասիրական օգնության մուտքը Գազա:

Փհենյանը քննադատության է ենթարկել ինչպես ԱՄՆ-ին, այնպես էլ Եվրամիությանը քվեարկության կապակցությամբ՝ հայտարարելով, որ Վաշինգտոնը «ամբողջությամբ ոչնչացրել Է Մերձավոր Արեւելքում իրավիճակի վատթարացումը կանխելու փոքր հնարավորությունը», իսկ ԵՄ-ն աջակցել է այդ դիրքորոշմանը: