Ռուսաստանը Պաղեստինի և Իսրայելի հարցով ՄԱԿ-ի ԱԽ նիստ կհրավիրի. Պոլյանսկի
Ռուսաստանը պաղեստինա-իսրայելական հակամարտության հարցով ՄԱԿ-ի Անվտանգության խորհրդի նոր նիստ կհրավիրի: Այս մասին «Սոլովյով Live»-ի եթերում ասել է ՄԱԿ-ում ՌԴ մշտական ներկայացուցչի առաջին տեղակալ Դմիտրի Պոլյանսկին։
Նշենք, որ այս շաբաթ ՄԱԿ-ի ԱԽ-ն չի կարողացել ընդունել Ռուսաստանի, այնուհետև Բրազիլիայի բանաձևերը:
Ավելի վաղ Իսրայելի բանակը հայտնել էր, որ պատրաստվում է ռազմական գործողությունների հաջորդ փուլին, որը կներառի նաև ցամաքային գործողություններ:
Վերջին տվյալներով` Գազայի հատվածում զոհերի թիվը գերազանցել է 4000-ը, իսկ Իսրայելի զոհված բնակիչներինը` 1000-ը։ Տարբեր գնահատականներով՝ ՀԱՄԱՍ-ը գերի է վերցրել մոտ 250 մարդու։
