Ըստ իսրայելցիների 80%-ի՝ Նեթանյահուն պատասխանտվություն պետք է կրի
Ըստ Maariv թերթի հարցման՝ իսրայելցիների ճնշող մեծամասնությունը կարծում է, որ վարչապետ Բենիամին Նեթանյահուն պետք է հրապարակայնորեն ընդունի պատասխանատվությունը ապշեցուցիչ ձախողումների համար, որոնք հանգեցրին հոկտեմբերի 7-ին ՀԱՄԱՍ-ի ավերիչ գրոհին: Իսրայելի պաշտպանության և «Շին Բեթ»-ի ղեկավարներն արդեն ստանձնել են նման պատասխանատվություն, ինչպես նաև պաշտպանության նախարարն ու ֆինանսների նախարարը:
Իսրայելցիների 80%–ն ասում է, որ Նեթանյահուն պետք է հետևի նրանց օրինակին։ Հարցվածների 69%–ը, ընդ որում, անցյալ տարվա ընտրություններին քվեարկել են վարչապետի «Լիկուդ» կուսակցության օգտին: Հանրության միայն 8%-ն է կարծում, որ վարչապետը մեղավոր չէ:
Հիշեցնենք` հոկտեմբերի 7-ի առավոտյան Իսրայելը Գազայի հատվածից աննախադեպ հրթիռային հարձակման ենթարկվեց։ Իսրայելի բանակի մամուլի ծառայությունից հայտնեցին, որ ծայրահեղականներն ավելի քան 3 հազար հրթիռ են արձակել: Բացի այդ, տասնյակ ահաբեկիչներ ներխուժել են Իսրայելի հարավում գտնվող սահմանամերձ շրջաններ։ Պաղեստինյան ՀԱՄԱՍ շարժման ռազմական թևը հայտարարեց, որ Իսրայելի դեմ «Ալ Աքսայի ջրհեղեղ» գործողություն է անցկացնում: Իսրայելի պաշտպանության բանակն էլ (ՑԱԽԱԼ) հայտնեց Գազայի հատվածում ՀԱՄԱՍ-ի դեմ «Երկաթե թրեր» գործողության մեկնարկի մասին:
