ԵՄ-ն կարող է ընդլայնել առաքելությունը ՀՀ-ում՝ ի պատասխան Ադրբեջանի կողմից սպառնալիքի. բարձրաստիճան ներկայացուցիչ
Եվրամիությունը կարող է ընդլայնել իր դիտորդական առաքելությունը Հայաստանում` ի պատասխան Ադրբեջանի կողմից երկրի ինքնիշխանության ու տարածքային ամբողջականության նկատմամբ սպառնալիքների:
Այս մասին Բրյուսելում լրագրողներին հայտնել է ԵՄ բարձրաստիճան ներկայացուցիչը։
«Մենք նախագահ Ալիևին հստակ ասել ենք, որ մտահոգված ենք Հայաստանի ինքնիշխանության և տարածքային ամբողջականության խախտման ցանկացած փորձով։ Մեր առաքելությունը կամրապնդվի։ Դա այն է, ինչ մենք ասում ենք Բաքվին»,- ասել է նա՝ պատասխանելով լրագրողների այն հարցին, թե արդյոք ԵՄ-ն չի վախենում, որ Լեռնային Ղարաբաղում Ադրբեջանի ռազմական գործողություններին թույլ արձագանքի պատճառով Բաքուն կարող է մոտ ժամանակներս հարձակվել Հայաստանի տարածքի վրա։
