ՏԵՍԱՆՅՈՒԹ. Գազայի հատվածը՝ Իսրայելի ավիահարվածներից հետո
Սոցցանցերում տարածվում են կադրեր, որոնցում երևում է Իսրայելի առավոտյան հրթիռակոծությունից հետո Գազայի հատվածում ստեղծված իրավիճակը:
Հիշեցնենք, որ Իսրայելի պաշտպանության նախարար Յոավ Գալանտը հայտնել է, որ շուտով հրաման կտրվի Գազայի հատվածում ցամաքային գործողություն սկսելու մասին։ «Հիմա դուք հեռվից եք տեսնում Գազան, շուտով այն կտեսնեք ներսից։ Հրամանը կգա»,- ասել է Գալանտը:
Իսրայելի իշխանությունները հայտարարել են Մերձավոր Արևելքի մի շարք երկրներում դեսպանատների ժամանակավոր փակման մասին։
«Իսրայելը փակում է դեսպանատները Մերձավոր Արևելքի մի շարք երկրներում՝ Բահրեյնում, Եգիպտոսում, Հորդանանում, Մարոկկոյում և Թուրքիայում»,- նշվում է իսրայելական հանրային հեռարձակողի X սոցիալական ցանցում արված հայտարարության մեջ։
