Մեծ Բրիտանիայի վարչապետը այսօր կմեկնի Իսրայել
Մեծ Բրիտանիայի վարչապետ Ռիշի Սունակը Իսրայել կժամանի հինգշաբթի առավոտյան՝ տարածաշրջան երկօրյա այցի շրջանակներում, հայտնել է Դաունինգ սթրիթը։
Սունակը կհանդիպի Իսրայելի վարչապետ Բենյամին Նեթանյահուի և երկրի նախագահ Իսահակ Հերցոգի հետ, ապա կմեկնի տարածաշրջանի մի շարք այլ մայրաքաղաքներ։
Իսրայելական Haaretz թերթը նշում է, որ Սունակի այցը հնարավոր է դարձել Իսրայելի իշխանությունների հավաստիացումների շնորհիվ, որ թույլ կտան մարդասիրական օգնություն հասցնել Գազայի հատված։
Իր հերթին, Politico-ն հաղորդել է, որ արտաքին գործերի նախարար Ջեյմս Քլևերլին տարածաշրջան իր եռօրյա այցի ընթացքում կգործադրի դիվանագիտական ջանքեր՝ դադարեցնելու հակամարտությունների տարածումը: Մեծ Բրիտանիայի արտաքին գործերի նախարարության հաղորդագրության համաձայն՝ նա մտադիր է հանդիպել Եգիպտոսի, Թուրքիայի և Կատարի ղեկավարների հետ։
