Մերձավոր Արևելքում իրավիճակը կարող է դուրս գալ վերահսկողությունից. Իրանի ԱԳ նախարար

Մերձավոր Արևելքի տարածաշրջանը նման է վառոդով տակառի, կա պայթյունի և իրավիճակի՝ վերահսկողությունից դուրս գալու հավանականություն։

Այս մասին IRNA-ի հաղորդմամբ՝ հայտարարել է Իրանի արտաքին գործերի նախարար Հոսեյն Ամիր Աբդոլլահիանը Ջիդդայից մեկնելուց առաջ:

«Վերջին հանդիպմանը ներկա բոլոր արտգործնախարարները համակարծիք են եղել Գազայի և Հորդանան գետի արևմտյան ափի բնակչության դեմ սիոնիստական ​​ռեժիմի ռազմական հանցագործությունների անհապաղ դադարեցման անհրաժեշտության շուրջ»,- ասել է նա։

Իրանի արտգործնախարարը նշել է, որ բոլորը միակարծիք են, որ «քաղաքական ակտիվիստները չպետք է անտարբեր լինեն խաղաղ բնակչության, կանանց և երեխաների սպանությունների նկատմամբ և պետք է քայլեր ձեռնարկեն»։