ՏԵՍԱՆՅՈՒԹ. Ստամբուլում ամբոխը ներխուժել է Իսրայելի հյուպատոսության տարածք
Գազայի հատվածում Ալ-Ահլի բապտիստական հիվանդանոցի վրա հարձակումից հետո Թուրքիայի հազարավոր քաղաքացիներ պաղեստինյան դրոշներ ձեռքին դուրս են եկել փողոց։ Ստամբուլում Իսրայելի գլխավոր հյուպատոսության դիմաց քաղաքացիները հավաքվել են ի նշան բողոքի, գրում է Anadolu գործակալությունը։
Մինչ որոշ քաղաքացիներ ձվեր են նետել հյուպատոսության շենքի վրա, տարածքում այրվել է Իսրայելի դրոշը։
Ամբոխի մեջ ոմանք ցանկացել են ճեղքել հյուպատոսությունը շրջապատող անվտանգության պատնեշները: Ըստ ԶԼՄ–ների՝ որոշ ցուցարարների հաջողվել է ներխուժել հյուպատոսության տարածք: Ոստիկանների և խմբի միջև ծեծկռտուք է սկսվել, անվտանգության ուժերն արցունքաբեր գազ են կիրառել ամբոխը ցրելու համար։
