Բայդենը հայտարարել է, որ Իսրայելի նկատմամբ սպառնալիքների դեպքում ԱՄՆ-ն մի կողմ քաշված չի մնա

ԱՄՆ-ն մի կողմ քաշված չի մնա, եթե Իսրայելին ուղղված նոր սպառնալիքներ հայտնվեն։ Ինչպես հայտնում է ՏԱՍՍ-ը, նման նախազգուշացում ԱՄՆ նախագահ Ջո Բայդենն արել է Թել Ավիվում կարճատև ելույթի ժամանակ՝ Իսրայել կատարած համերաշխության արտակարգ այցից հետո։

ԱՄՆ նախագահը  զուգահեռներ է անցկացրել պաղեստինյան արմատականների գործողությունների և «Իսլամական պետություն» ահաբեկչական խմբավորման վայրագությունների, ինչպես նաև Հոլոքոստի միջև։

«Մենք նորից մի կողմ  չենք կանգնելու և ոչինչ չանենք՝ ոչ այսօր, ոչ վաղը, ոչ երբեք», - ընդգծել է Բայդենը։