ՏԵՍԱՆՅՈՒԹ. Նիժնի Նովգորոդում առատ ձյուն է տեղում. օդանավակայանը թռիչքներ չի ընդունում
Հոկտեմբերի 17-ին, առավոտյան անձրևներից հետո ՌԴ-ի Նիժնի Նովգորոդ քաղաքում տեղացել է ձյուն և ձնաբուք։ Ճանապարհներին մեքենաների երթեւեկությունը դանդաղել է: Այս մասին հայտնում են տեղի լրատվամիջոցները:
Օդերեւութաբանների կանխատեսումների համաձայն՝ ձյան տեղումները քաղաքում և մարզում կշարունակվեն ևս մի քանի ժամ։
Ավելի վաղ առավոտյան Նիժնի Նովգորոդում փոխվել է տրոլեյբուսային մի քանի երթուղիների շարժը՝ ճանապարհի հեղեղման պատճառով, իսկ օդանավակայանը թռիչքներ չի ընդունում:
Արտակարգ իրավիճակների նախարարությունը բնակիչներին զգուշացնում է երեքշաբթի և չորեքշաբթի օրերին քամու մասին մինչև 25-30 մ/վրկ ուժգնությամբ։
