Կոլումբիան վտարում է Իսրայելի դեսպանին
Կոլումբիայի նախագահ Գուստավո Պետրոն կվտարի Իսրայելի դեսպան Գալի Դագանին այն բանից հետո, երբ դիվանագետը քննադատել է իրեն պաղեստինցիներին աջակցության եւ Իսրայելին մեղադրելու համար՝ Իսրայելի վրա ՀԱՄԱՍ-ի հարձակումից հետո։ Պետրոն ասել է, որ Դագանը պետք է ներողություն խնդրի եւ հեռանա երկրից, տեղեկացրել է National Review-ն։
Դագանը Պետրոյին քննադատել է այն բանից հետո, երբ Կոլումբիայի նախագահը Իսրայելի ռազմական գործողությունները համեմատել է նացիստների կողմից հրեաների հետապնդումների հետ։
«Ոչ մի դեմոկրատ աշխարհում չի կարողանա հաշտվել Գազայի հատվածը համակենտրոնացման ճամբարի վերածելուն»,- ասել է Պետրոն։
