Բայրամովը Հայաստանի հետ խաղաղության գործընթացը քննարկել է Մեծ Բրիտանիայի ԱԳ նախարարի հետ

Ադրբեջանի արտգործնախարար Ջեյհուն Բայրամովը հեռախոսազրույց է ունեցել Մեծ Բրիտանիայի արտաքին համագործակցության և զարգացման հարցերով պետնախարար Ջեյմս Քլևերլիի հետ։ Այս մասին նշում են ադրբեջանական ԶԼՄ–ները:

«Քննարկվել են երկու երկրների միջև համագործակցության օրակարգի հեռանկարները, ինչպես նաև Հարավային Կովկասում տիրող իրավիճակը, հարաբերությունների կարգավորման ներկա վիճակը և Ադրբեջանի ու Հայաստանի միջև խաղաղությանը գործընթացը»,- նշվում է Ադրբեջանի ԱԳՆ հայտարարության մեջ: 

Բայրամովը դժգոհել է միջազգային «հակաադրբեջանական քայլերից, որոնք վնասում են խաղաղության պատմական հնարավորությունները և չեն նպաստում դրան ուղղված ջանքերին»։