ՏԵՍԱՆՅՈՒԹ. «Հեզբոլլահի» դրոշը բարձրացվել է Լիբանանի հետ սահմանին գտնվող իսրայելական ռազմաբազայում. ԶԼՄ

Լիբանանյան ԶԼՄ-ների փոխանցմամբ, «Հեզբոլլահի» դրոշը բարձրացվել է Լիբանանի հետ սահմանին գտնվող իսրայելական ռազմաբազայում:

Իսրայելի պաշտպանության բանակը հայտնում է, որ «Հեզբոլլահի» կողմից Իսրայելում ամրացված կետը գրավելու մասին տեղեկությունները չեն համապատասխանում իրականությանը։

Հիշեցնենք` հոկտեմբերի 7-ի առավոտյան Իսրայելը Գազայի հատվածից աննախադեպ հրթիռային հարձակման ենթարկվեց։ Իսրայելի բանակի մամուլի ծառայությունից հայտնեցին, որ ծայրահեղականներն ավելի քան 3 հազար հրթիռ են արձակել: Բացի այդ, տասնյակ ահաբեկիչներ ներխուժել են Իսրայելի հարավում գտնվող սահմանամերձ շրջաններ։

Պաղեստինյան ՀԱՄԱՍ շարժման ռազմական թևը հայտարարեց, որ Իսրայելի դեմ «Ալ Աքսայի ջրհեղեղ» գործողություն է անցկացնում: Իսրայելի պաշտպանության բանակն էլ (ՑԱԽԱԼ) հայտնեց Գազայի հատվածում ՀԱՄԱՍ-ի դեմ «Երկաթե թրեր» գործողության մեկնարկի մասին: