«Ռուսաստանի հետ Արևմուտքի լիարժեք առճակատման դեպքում կլինի բոլորովին այլ պատերազմ». Պուտին
Ռուսաստանը հայտնի հնագույն սկզբունքով պատրաստվում է պատերազմի, բայց խաղաղություն է ուզում: Այս մասին հարցազրույցի ընթացքում հայտարարել է ՌԴ նախագահ Վլադիմիր Պուտինը:
«Ոչ ոք իր մտքում անգամ չպետք է թույլ տա միջուկային տերությունների միջև պատերազմի հնարավորությունը»,- ասել է նա:
Պուտինի խոսքով՝ Ռուսաստանի հետ Արևմուտքի լիարժեք առճակատման դեպքում կլինի բոլորովին այլ պատերազմ:
«ԱՄՆ-ն ստիպում է իր դաշնակիցներին վատթարացնել հարաբերությունները Ռուսաստանի և Չինաստանի հետ: Ռուսաստանն ու Չինաստանը չեն միավորվում ինչ-որ ռազմաքաղաքական դաշինքի մեջ ՝ ի տարբերություն Արևմուտքի երկրների»,- ասել է նա:
Անդրադառնլով Մերձավոր Արևելքի հակամարտությանը, ՌԴ նախագահը շեշտել է, որ այն այնքան մասշտաբային է, որ չի կարելի համեմատել անգամ Ուկրաինայում հատուկ գործողության հետ:
