Ֆրանսիան արգելում է պաղեստինցիներին աջակցող բողոքի ցույցերը

Ֆրանսիան արգելում է պաղեստինցիներին աջակցող բողոքի ցույցերը: Այս մասին Ֆրանսիայի ՆԳ նախարար Ժերալդ Դամանինը հայտարարել է երկրի բոլոր պրեֆեկտներին ուղարկված նամակում, փոխանցում է Reuters-ը։ Որոշումն ընդունվել է, քանի որ գործողությունները «կարող են հանգեցնել հասարակական կարգի խախտման»։ 

Պաղեստինա-իսրայելական հակամարտության բռնկումից հետո ՀԱՄԱՍ-ը ողջ մահմեդական աշխարհին կոչ է արել հոկտեմբերի 13-ին պաղեստինցիներին աջակցող ակցիաներ կազմակերպել։ 

Փարիզում հոկտեմբերի 12-ին արգելվել են պաղեստինցիների աջակցության երկու ցույցեր՝ անկարգությունների վախի պատճառով։ Ոստիկանությունը ցրել է պաղեստինամետ հանրահավաքի մասնակիցներին։ 

Ֆրանսիայում, պաղեստինա-իսրայելական հակամարտության սկզբից ի վեր, ավելի քան 20 մարդ կալանավորվել է հրեաների դեմ գործողությունների, այդ թվում՝ դպրոցում երեխաներին ահաբեկելու պատճառով։ 

Գերմանիան ուժեղացրել է հրեական հաստատությունների անվտանգությունը, այդ թվում՝ դպրոցներում և սինագոգներում։ Լոնդոնում երկու հրեական դպրոցներ փակ են մինչև երկուշաբթի՝ հոկտեմբերի 16-ը, երեխաների անվտանգության համար։