Իսրայելում հայերին աջակցության շտաբ է ստեղծվել. ի՞նչ վիճակ է հայաբնակ շրջաններում

Իսրայելում սպանվածների թիվն անցավ 1200-ը, 2700 վիրավոր։ Գիշերը շարունակվում էին հրթիռահարումները հարավային շրջաններում,  իսկ կենտրոնական շրջաններում գիշերը համեմատաբար հանգիստ անցավ։ Այդ մասին «Հրապարակի» հետ զրույցում հայտնել է Պետախ Տիկվայի «Նաիրի» միության նախագահ, թերթի գլխավոր խմբագիր Արտյոմ Չերնամորյանը։  

Նրա տեղեկությամբ, Լիբանանի «Հզբոլլահ»-ը հայտարարել է իր «բանակի»  մոբիլիզացիայի մասին։
 

«Կապը Իսրայելի տարբեր հայաբնակ շրջանների հետ շարունակվում է։ Ստանում ենք հեռախոսազանգեր մարդկանցից։ Հրթիռահարվող քաղաքներում ունենք համայնքային ներկայացուցիչներ, որոնք տվյալ քաղաքում կարող են աջակցություն ցուցաբերել»,-նշել է իսրայելահայ գործիչը։

Պետախ Տիկվայի Իսրայելահայերի «Նաիրի» միությունը ստեղծել է տեղեկատվական և հայերին աջակցության շտաբ, տեղեկացրեց Արտյոմ Չերնամորյանը և հավալեց․
 

«Բոլոր այն քաղաքացիներն, ովքեր ունեն օգնության կարիք, խնդրում ենք դիմել Պետախ Տիկվայի Իսրայելահայերի «Նաիրի» միությանը:

«Նաիրի» միությունն երեկ իր պատրաստակամությունն է հատնել օգնել Պետախ Տիկվա քաղաքի թիկունքի ծառայությանն ու պատրաստակամությունն է հայտնել Պետախ Տիկվայի քաղաքապետ պարոն Ռամի Գրինբերգին՝ աջակցելու քաղաքի բնակիչներին պատերազմական այս իրադրությունում: Հեռախոսահամարներն են՝ 

054-808-27-35
050-716-45-57
052-336-47-74
Համագործակցում ենք Իսրայելում ՀՀ դեսպանատան հետ ու կապի մեջ ենք։ Դեսպանատունը ունի թեժ գիծ»։