«Եթե տղամարդիկ որոշել են իրար մեջ կռվել, ուրեմն թող կռվեն իրար մեջ. կանանց ու երեխաներին հանգիստ թողեք». Պուտին
Անհայտ է՝ հնարավոր կլինի՞ մոտ ապագայում հանդարտեցնել Իսրայելի և Պաղեստինի միջև իրավիճակը, բայց դա կարող է մեծ խնդիրների հանգեցնել։ Այս մասին, ինչպես նշում է ՏԱՍՍ-ը, հայտարարել է ՌԴ նախագահ Վլադիմիր Պուտինը:
«Պաղեստինի խնդիրը յուրաքանչյուր մուսուլմանի սրտում է և նրանց կողմից ընկալվում է որպես անհավատալի մասշտաբի անարդարության դրսևորում: Երբ ստեղծվում է Իսրայելը, խոսքը միանգամից ինքնիշխան Պաղեստին ստեղծելու մասին էլ էր, բայց դա այդպես էլ չարվեց», - ասել է ՌԴ նախագահը:
Պուտինի խոսքով՝ այն, ինչ կատարվում է հիմա, սարսափելի է:
«Եթե տղամարդիկ որոշել են իրար մեջ կռվել, ուրեմն թող կռվեն իրար մեջ. կանանց ու երեխաներին հանգիստ թողեք», - ասել է Պուտինը՝ անդրադառնալով երկու կողմից էլ խաղաղ բնակչության շրջանում զոհերի մեծ թվին:
