ՏԵՍԱՆՅՈՒԹ․ Կարմիր բերետավորը, պոլիտեխնիկական համալսարանի ուսանողի ականջը բռնած, բերման է ենթարկում նրան
Հայաստանի ազգային պոլիտեխնիկական համալսարանից ուսանողների են բերման ենթարկում։
Armlur-ի հրապարակած տեսանյությում երևում է, թե ինչպես է կարմիր բերետավորը, ուսանողի ականջը բռնած, բերման ենթարկում նրան։
Հիշեցնենք՝ ինչպես երեկ Հանրապետության Հրապարակում հանրահավաքի ժամանակ հայտարարվեց, մայրաքաղաքում վաղ առավոտից սկսվել են բողոքի ակցիաները։ Քաղաքացիները փակում են փողոցները Երևանի տարբեր հատվածներում՝ հայտնելով իրենց դժգոհությունը և պահանջելով գործող իշխանության հրաժարականը։
Հավելենք, որ Երևանում բողոքի ակցիայից բերման ենթարկվածների թիվը հասել է 168-ի։
