Ադրբեջանն ու Իրանը ծրագրում են համատեղ ռազմածովային զորավարժություններ անցկացնել Կասպից ծովում

Ադրբեջանն ու Իրանը նախնական պայմանավորվածություն են ձեռք բերել Կասպից ծովում համատեղ ռազմածովային զորավարժություններ անցկացնելու վերաբերյալ, հայտնում է Ադրբեջանի պաշտպանության նախարարությունը։ 

«Ադրբեջանի ռազմածովային ուժերի հրամանատար, փոխծովակալ Սուբխան Բեքիրովը Բաքվում հանդիպել է իրականական պատվիրակության հետ»,- հայտնում է Ադրբեջանի պաշտպանության գերատեսչությունը։ 

Հանդիպմանը նշվել է «Խազրի-2023» զորավարժությունների կարևորությունը, ընդգծվել է ապագայում Կասպից ծովում Ադրբեջանի և Իրանի ռազմածովային ուժերի համատեղ զորավարժությունների անցկացման կարևորությունը, ինչի կապակցությամբ ձեռք է բերվել նախնական պայմանավորվածություն։ 

Քննարկվել են նաև երկու երկրների ռազմածովային ուժերի միջև ռազմական ոլորտում համագործակցության զարգացման հեռանկարները։