Հռոմի ստատուտի վավերացումը խնդիրներ կստեղծի Հայաստանի և նրա քաղաքացիների համար. Վոլոդին
Հռոմի ստատուտի վավերացումը չմտածված, ստրատեգիական սխալ որոշում է, որը նախ և առաջ խնդիրներ կստեղծի Հայաստանի և նրա քաղաքացիների համար: Այս մասին Telegram-ում գրել է ՌԴ Պետդումայի խոսնակ Վյաչեսլավ Վոլոդինը։
«Կարելի է բացատրել ցանկացած որոշում, բայց նրանք, ովքեր դա կայացրել են, պետք է պատասխանեն, թե ինչու: Մեր երկրների միջև հարաբերությունների զարգացումը մեր ժողովուրդների ընտրությունն է, իսկ Հռոմի ստատուտի վավերացումը հակասում է դրան», – նշել է Վոլոդինը։
Հիշեցնենք, որ այսօր ՀՀ ԱԺ-ն 60 կողմ, 22 դեմ ձայներով վավերացրեց Միջազգային քրեական դատարանի Հռոմի ստատուտը: Դեմ քվեարկեցին ընդդիմադիր «Հայաստան» և «Պատիվ ունեմ» խմբակցությունները, որոնք բոյկոտեցին ընդունման քննարկումը, սակայն ներկայացան քվեարկությանը:
