Բրիտանական զորքերն առաջին անգամ կտեղակայվեն Ուկրաինայում:

Սա Մեծ Բրիտանիայի պաշտպանության նոր նախարար Գրանտ Շեպսի նախաձեռնությունն է, որը ցույց է տալիս բրիտանական կողմի զգալի աջակցությունը: 

Այս մասին The Telegraph-ին տված հարցազրույցում ասել է ինքը՝ նախարարը։ Շեպսը նաեւ ասել է, որ բանակցություններ է վարել բանակի ղեկավարների հետ՝ բրիտանական պաշտոնական ուսումնական ծրագիրը Ուկրաինա տեղափոխելու վերաբերյալ: Մեծ Բրիտանիայի պաշտպանության նախարարը կոչ է արել բրիտանական պաշտպանական ընկերություններին ավելի շատ գործարաններ բացել Ուկրաինայում: 

Շեպսը, որը վերջերս էր այցելել Կիև, ասել է, որ Ուկրաինայի նախագահ Վլադիմիր Զելենսկու հետ քննարկել է բրիտանական նավատորմի դերը՝ Սև ծովում ռուսական հարձակումներից պաշտպանելու գործում: 

Նշվում է, որ Մեծ Բրիտանիայի գլխավորած «Ինտեր ֆլեքս» օպերացիայի շրջանակներում ռուսական լայնամասշտաբ պատերազմի սկզբից ուկրաինական զինված ուժերի ավելի քան 20 000 զինվորներ են վերապատրաստվել։