Մոսկվան Բաքվի և Երևանի հետ չի քննարկում ռուս խաղաղապահների դուրսբերումը Ղարաբաղից

Մոսկվան Բաքվի և Երևանի հետ Լեռնային Ղարաբաղից ռուս խաղաղապահների դուրս բերման հարց չի քննարկում: 

Այս մասին ria.ru-ին հայտնել է իրազեկ դիվանագիտական աղբյուրը։ 

«Մի շարք լրատվամիջոցների այն տեղեկությունը, որ ՌԴ ՊՆ պատվիրակությունը Բաքվում կամ Երևանում քննարկում է Ղարաբաղից ռուսական խաղաղապահ զորախմբի դուրսբերման հարցը, չի համապատասխանում իրականությանը»,- ասել է նա։ «Խոսքը ռուսական խաղաղապահ կոնտինգենտի ընթացիկ գործունեության վերաբերյալ պլանավորված շփումների մասին է»,- հավելել է գործակալության զրուցակիցը։ 

Ավելի վաղ ռուսական լրատվամիջոցները հայտնել էին, որ Ռուսաստանի պաշտպանության նախարարության պատվիրակությունը այսօր կայցելի Երևան՝ քննարկելու Լեռնային Ղարաբաղից ռուսական խաղաղապահ զորախմբի դուրսբերման ժամկետները։ 
ՀՀ ՊՆ խոսնակ Արամ Թորոսյանը հայտնել էր, որ նման հանդիպում Հայաստանի պաշտպանության նախարարությունում պլանավորված չէ։