Բրիտանական Զինված Ուժերը չեն տեղակայվի Ուկրաինայում մինչև զինված հակամարտության ավարտը. Սունակ

Մեծ Բրիտանիան իր զինուժը չի ուղարկի Ուկրաինա մինչև զինված հակամարտության ավարտը, հայտարարել է եվրոպական պետության վարչապետ Ռիշի Սունակը։ 

«Ոչ մի բրիտանացի զինվոր չի ուղարկվի ներկա հակամարտությանը մասնակցելու համար»,- ասել է նա Sky News-ի եթերում։ 

Քաղաքական գործչի խոսքով՝ բրիտանական զինված ուժեր ուղարկելու ծրագրերի մասին խոսելիս պաշտպանության նախարար Գրանթ Շապսը նկատի ուներ «երկարաժամկետ» և որ դա կլինի «գուցե մի օր ապագայում»։ 

Հիշեցնենք, որ Գրանթ Շապսն ասել էր, որ Մեծ Բրիտանիան ցանկանում է իր զինվորականներին ուղարկել Ուկրաինա՝ ուկրաինական զինված ուժերի զինծառայողներին մարզելու համար։ Նա նշել է, որ այդ հարցն արդեն քննարկել է թագավորական բանակի հրամանատարության հետ։ Իր հերթին, ՌԴ Անվտանգության խորհրդի փոխնախագահ Դմիտրի Մեդվեդևը որպես օրինակ բերեց նախարարի խոսքերը՝ «ՆԱՏՕ-ի երկրներում առաջատար ապուշների» մասին, որոնք մեր երկիրը մղում են դեպի երրորդ համաշխարհային պատերազմ։