Այս պահի դրությամբ ԼՂ-ից բռնի տեղահանված 100 437 անձ է ժամանել ՀՀ. Նազելի Բաղդասարյան
Այս պահի դրությամբ Լեռնային Ղարաբաղից 100 437 բռնի տեղահանված անձ է ժամանել Հայաստանի Հանրապետություն։ Տեղեկությունը հրավիրված ասուլիսում հայտնեց ՀՀ վարչապետի խոսնակ Նազելի Բաղդասարյանը։
«Այս պահի դրությամբ Հակարիի կամուրջը հատել է 21062 տրանսպորտային միջոց։ Հաշվառված անձանց թիվը կազմում է 82827»,–ասաց նա։
Ավելի վաղ հայտնել էինք, որ այս գիշեր Ստեփանակերտից վերջին ավտոբուսները շարժվեցին ՀՀ` բերելով բռնի տեղահանվածներին։
Հիշեցնենք` Ադրբեջանը սեպտեմբերի 19–ին լայնամասշտաբ հարձակում սկսեց Արցախի դեմ։ Ադրբեջանական ագրեսիայի հետևանքով Արցախը մեկ օրում առնվազն 200 զոհ և ավելի քան 400 վիրավոր տվեց։
