Երևանում բողոքի ակցիայից բերման ենթարկվածների թիվը հասել է 168-ի
Ժամը 12:00-ի դրությամբ Երևանում ՎԻՎ օրենսգրքի 182 հոդվածով նախատեսված արարքի համար ոստիկանություն է բերվել ակցիայի 168 մասնակից: Այս մասին Auroranews-ին հայտնեցին Ոստիկանության լրատվական ծառայությունից։
Հիշեցնենք՝ ինչպես երեկ Հանրապետության Հրապարակում հանրահավաքի ժամանակ հայտարարվեց, մայրաքաղաքում վաղ առավոտից սկսվել են բողոքի ակցիաները։ Քաղաքացիները փակում են փողոցները Երևանի տարբեր հատվածներում՝ հայտնելով իրենց դժգոհությունը և պահանջելով գործող իշխանության հրաժարականը։
