ԼՈՒՍԱՆԿԱՐ. Շուշիի տանկ-հուշարձանը տեղափոխվել է Բաքվի ռազմավարների պուրակ
Շուշիի ապամոնտաժված տանկ-հուշարձանը այսօր տեղափոխվել է Բաքվի «ռազմավարների պուրակ»: Այս մասին հաղորդում են ադրբեջանական լրատվամիջոցները:
Ավելի վաղ հայտնել էինք որ ադրբեջանցիներն օկուպացված Շուշիում ապամոնտաժել են հայկական տանկ-հուշարձանը։
Ադրբեջանական լրատվամիջոցներն ապամոնտաժման կադրեր էին հրապարակում։
Հիշեցնենք` Ադրբեջանը սեպտեմբերի 19–ին լայնամասշտաբ հարձակում սկսեց Արցախի դեմ։ Ադրբեջանական զինուժը շփման գծի ողջ երկայնքով խախտեց հրադադարը` հասցնելով հրթիռահրետանային հարվածներ։
Սեպտեմբերի 20–ին հայտնի դարձավ, որ Արցախի իշխանություններն ընդունել են ՌԴ խաղաղապահ առաքելության զորակազմի հրամանատարության՝ կրակի դադարեցման վերաբերյալ առաջարկությունը:
Սեպտեմբերի 21–ին ՌԴ խաղաղապահների միջնորդությամբ ադրբեջանական Եվլախում կայացավ Արցախի ու Ադրբեջանի ներկայացուցիչների հանդիպումը։
