Խստորեն դատապարտում ենք Ադրբեջանի բռնի հարձակումները․ Freedom House

Freedom House–ը Արցախի դեմ Ադրբեջանի ռազմական գործողությունները դատապարտող հայտարարություն է արել:

Իրավապաշտպան կազմակերպությունը կոչ է անում միջազգային հանրությանը պաշտպանել Լեռնային Ղարաբաղի խաղաղ բնակչությանը, կանխել մարդկության դեմ հանցագործությունները տարածաշրջանում և պահանջել Ադրբեջանի կառավարությունից դադարեցնել ռազմական գործողությունները։

Ավելի վաղ հայտնել էինք, որ մարտերը շփման գծի ամբողջ երկայնքով շարունակվում են։ Ադրբեջանական ԶՈՒ կողմից կիրառվում են հրետանային ու հրթիռային միջոցներ, հարվածային ԱԹՍ-ներ, մարտական ավիացիա։ Այս մասին հայտնում է Արցախի պաշտպանության բանակը և հավելում.

«Իրավիճակի հետագա զարգացման դեպքում ՊԲ մամուլի ծառայությունը հանդես կգա լրացուցիչ հաղորդագրություններով»։