Լեհաստանի իշխանությունները Բելառուսի հետ սահմանին պատնեշ կառուցելու մրցույթ են հայտարարել. Կամինսկի

Լեհաստանի իշխանությունները ձեռնամուխ են եղել Բելառուսի հետ սահմանին Բուգ գետի վրա պատնեշ կառուցելու հարցի մշակմանը և մրցույթ են հայտարարել: Այս մասին հայտնել Է հանրապետության ներքին գործերի նախարար Մարիուշ Կամինսկին, փոխանցում է ՏԱՍՍ-ը։ Նախարարի խոսքով՝ էլեկտրոնային հսկման համակարգերով հագեցած պատնեշի երկարությունը կկազմի 172 կիլոմետր:

Գերատեսչության ղեկավարը նշել է, որ բոլոր շահագրգիռ ընկերությունները կարող են իրենց ծառայություններն առաջարկել մինչև սեպտեմբերի 22-ը: Ըստ առկա ծրագրերի՝ մրցույթը կավարտվի նոյեմբերի կեսերին։ Ցանկապատի կառուցումը նախատեսվում է սկսել արդեն այս տարի։