Ուկրաինան ԱՄՆ-ից կստանա 1,25 միլիարդ դոլարի դրամաշնորհ. ինչի՞ն են ուղղվելու այդ միջոցները

Ուկրաինան ԱՄՆ-ից 1,25 մլրդ դոլարի չափով հերթական դրամաշնորհը կստանա: Այս մասին հաղորդվում է Ուկրաինայի ֆինանսների նախարարության կայքում։ 

«Միջոցները կուղղվեն բնակչության խոցելի խավերի աջակցությանը, ինչպես նաև պետական գործառույթների կատարման ապահովման աշխատանքը կատարողներին և կրթական ու բժշկական ծառայությունների տրամադրմանը», - ասում են Ուկրաինայից:

Նշվում է, որ «Խաղաղություն Ուկրաինայում» նախագծի շնորհիվ Ուկրաինայի ֆինանսների նախարարությունը ներգրավել է 19,5 միլիարդ դոլար և 1,44 միլիարդ եվրո ընդհանուր գումարի դրամաշնորհներ և վարկեր, որից 17,97 միլիարդ դոլարը՝ դրամաշնորհներ։