Պուտինի և Կիմ Չեն Ընի հանդիպումը` համաշխարհային լրատվամիջոցների առաջին էջերում

Ռուսաստանի նախագահ Վլադիմիր Պուտինի և Հյուսիսային Կորեայի առաջնորդ Կիմ Չեն Ընի հանդիպումը հայտնվել է համաշխարհային լրատվամիջոցմների  առաջին էջերում։

Հյուսիսային Կորեայի առաջնորդը չորեքշաբթի ժամանել է «Վոստոչնի» տիեզերակայան։ Պուտինի հետ նրանք ստուգել են Անգարա տիեզերական հրթիռային համալիրի արձակման մեքենայի հավաքման ընթացքը, Անգարա արձակման համալիրի կառուցումը և «Սոյուզ-2» տիեզերական հրթիռային համալիրի արձակման համալիրը։

Washington Post. ՌԴ նախագահի և Հյուսիսային Կորեայի ղեկավարի հանդիպումը ակնհայտ ուղերձ է պարունակում, այն է, որ առաջնորդները մինչև վերջ կաջակցեն միմյանց՝ հերքելով իրենց աշխարհից մեկուսացնելու ԱՄՆ-ի փորձերը։ 

The Economist. Պուտինն ու Կիմ Չեն Ընը կարող են պայմանավորվել Հյուսիսային Կորեայից զենքի մատակարարումների շուրջ Ուկրաինայի համար դժվար պահին, երբ հակահարձակման ցավալիորեն դանդաղ առաջընթացը նոր հարցեր է առաջացնում նրա մարտավարության և Արևմուտքի վճռականության վերաբերյալ: 

New York Times. Հյուսիսային Կորեայի հետ ավելի սերտ կապեր ցուցադրելու Ռուսաստանի նախագահի որոշումը ցույց տվեց ԱՄՆ-ին Ուկրաինային աջակցության հետևանքները։ Միջուկային զինաթափման թեման գործնականում չի քննարկվել։

Իտալական La Repubblica թերթը, բրիտանական Sky News հեռուստաալիքը և Guardian թերթը նույնպես տեքստային հեռարձակումներ են իրականացնում Ռուսաստանի Դաշնության և ԿԺԴՀ ղեկավարների հանդիպման մասին։

Բանակցությունները չեն անտեսել նաեւ արաբական հրապարակումները, մասնավորապես, հանդիպման մասին գրել են Al-Jazeera և Al-Arabiya հեռուստաալիքները, ինչպես նաև  Al-Sharq Al-Ausat թերթը։