Բրազիլիան կարող է դուրս գալ Միջազգային քրեական դատարանից Պուտինին չձերբակալելու մասին հայտարարությունից հետո

Բրազիլիայի արդարադատության և հասարակական անվտանգության նախարար Ֆլավիո Դինոն ասել է, որ Բրազիլիան կքննարկի Միջազգային քրեական դատարանից (ՄՔԴ) դուրս գալու հարցը: Այս մասին գրում է Correio Braziliense–ն:

Հայտարարությունը հնչել է այն բանից հետո, երբ նախարարին հարցրել են նախագահ Լուիս Ինասիու Լուլա դա Սիլվայի խոսքերի մասին, որ ՌԴ նախագահ Վլադիմիր Պուտինը Բրազիլիայում չի ձերբակալվի։ 

«Նախագահ Լուլան ճիշտ է զգուշացրել, որ կա անհավասարակշռություն, երբ որոշ երկրներ հավատարիմ են Միջազգային քրեական դատարանի իրավասությանը, իսկ մյուսները՝ ոչ, օրինակ՝ Միացյալ Նահանգները, Չինաստանը և այլ երկրներ», - ասել է Դինոն: 

Նա ընդգծել է, որ անհավասարակշռությունը կարող է հանգեցնել որոշ երկրների կամքի պարտադրմանը մյուսներին։ Նախարարը նաև ասել է, որ բոլոր երկրները, որոնք ՄԱԿ-ի անդամ են, պետք է վերանայեն Հռոմի կանոնադրությունը, որով սահմանվել է դատարանի ստեղծումը, որ հասնեն հավասարության։