ԵՄ դիտորդական առաքելությունը գրասենյակ է բացել Իջևանում
ԵՄ առաքելությունը գործառնական գրասենյակ է բացել Իջևանում: Տեղեկությունը նշված է ԵՄ հայաստանյան առաքելության X–ի (նախկին` Twitter) պաշտոնական էջում։
Արարողությանը ներկա են եղել դիտորդական առաքելության ղեկավար Մարկուս Ռիտերը, Հայաստանում ԵՄ ներկայացուցիչ Վասիլիս Մարագոսը, ՀՀ պաշտպանության փոխնախարար Հրաչյա Սարգսյանը և Տավուշի մարզպետ Հայկ Ղալումյանը։
Հիշեցնենք, որ օգոստոսին ԵՄ առաքելությունը իր երկրորդ օպերատիվ կենտրոնն էր բացել Սյունիքում՝ Կապան քաղաքում։
Նշենք, որ փետրվարի 20-ին Հայաստանում տեղակայվել է 100 հոգուց բաղկացած նոր եվրոպական առաքելություն՝ երկու տարի մանդատով։ Առաքելության պաշտոնական նպատակը Հայաստանի սահմանամերձ շրջաններում կայունության խթանումն է, տեղական վստահության ձևավորումը և Հայաստանի և Ադրբեջանի միջև հարաբերությունների կարգավորմանն ուղղված ջանքերի համար նպաստավոր միջավայրի ապահովումը:
