ՏԵՍԱՆՅՈՒԹ. Մեր արձագանքը պետք է լինի մաքսիմալ կոշտ. Ավինյանը` նախընտրական վիճակից օգտվողներին

Մեկնարկել է Երևանի քաղաքապետարանի հերթական գործակարգավարական խորհրդակցությունը։ Տիգրան Ավինյանն անդրադարձել է  Երևանում նախընտրական վիճակից օգտվողներին, ովքեր փորձում են տարատեսակ ինքնակամ շինություններ կառուցել․

«Նախընտրական շրջանում Երևան քաղաքում փորձեր են կատարվում ժամանակը օգտագործել տարբեր ինքնակամ շինություններ կառուցելու համար։ Մեր արձագանքը պետք է լինի մաքսիմալ կոշտ։ Ոչ միայն պետք է կասեցվի դա, այլև պետք է քանդվի, ու՝ մաքսիմալ արագ»,- ընդգծեց Տիգրան Ավինյանը։ 

«Օգոստոս ամսվա ընթացքում իրականացվել են 31 քանդման աշխատանքներ, որոնցից 8-ը բենզալցակայաններ են։ Թումանյան 39 հասցեում կառուցված վերնահարկը ամբողջությամբ ապամոնտաժվել է։ Այս պահին սկսում ենք Արամի 60 հասցեում իրականացնել քանդման աշխատանքները»,- նշեց Երևանի քաղաքապետարանի քաղաքաշինության և հողի վերահսկողության վարչության պետ Յակով Ասատրյանը։ 

Ըստ Ասատրյանի՝ Արամի 60 հասցեում՝ Եղիշե Չարենցի թանգարանի շենքի վերնահարկում, հունիսի 3-ին անօրինական շինություն է կառուցվել։ Այսօր առավոտյան էլ, համապատասխան փորձագիտական տվյալները ստանալուց հետո, սկսվել են քանդման աշխատանքները։

Մանրամասները` տեսանյութում: