Երևանում գողացել են պաշտոնյայի ավտոմեքենայի վրացական համարանիշները և թողել տելեգրամ ալիքի հասցե

Երևանում գողացել են ՀՀ Արդարադատության նախարարության իրավաբանական անձանց պետական ռեգիստրի գործակալության պետի ավտոմեքենայի վրա տեղադրված վրացական համարանիշները․ գողերը թողել են Տելեգրամ ալիքի հասցե: Այս մասին հայտնում է shamshyan.com-ը։

Կայքի տեղեկություններով՝ օրեր առաջ արտակարգ դեպք է տեղի ունեցել Երևանում․ սեպտեմբերի 6-ին, Երևանի բնակիչ, 32-ամյա Տաթև Մկրտչյանը ահազանգել է ՀՀ Ներքին գործերի նախարարության Ոստիկանության Մալաթիայի բաժին և հայտնել, որ 1 օր առաջ անհայտ անձը կամ անձինք գողացել են իր բնակության վայրի շենքի բակում կայանված իրեն պատկանող Toyota մակնիշի ավտոմեքենայի վրացական համարանիշները։

«Դեպքի վայր ժամանած ոստիկանության Մալաթիայի բաժնի օպերատիվ խմբի Տ․ Մկրտչյանը հայտնել է, երբ տեսել է, որ մեքենայի համարանիշները գողացել են, ինքը նկատել է, որ դիմապակուն փակցված է եղել ինչ-որ Տելեգրամ ալիքի հասցե իր հետ կապ հաստատելու համար, որպեսզի համարանիշները գումարի դիմաց փոխանցեն իրեն»,- գրում է կայքը։

Մանրամասները՝ սկզբնաղբյուր կայքում։