Ադրբեջանը տեղեկատվական գրոհը սկսում է հենց երեկոյան ժամերին․ Տաթևիկ Հայրապետյան

ԱԺ նախկին պատգամավոր, ադրբեջանագետ Տաթևիկ Հայրապետյանի գրառումը. «Տեղակատվական գրոհի զոհ չդառնալու մի քանի պարզ կանոն՝
 

Միշտ ստուգեք տեղեկատվության աղբյուրը, սկզբնաղբյուրը, ամիս ամսաթիվը: Մի տարածե՛ք պատահական, չստուգված, խուճապ առաջացնող լուրեր:
 

Մի տարածե՛ք անհասկանալի, չստուգված թելեգրամյան ալիքների լուրեր:
 

Մի տարածե՛ք դեսպանատների հին հայտարարությունները որպես նոր: Եթե անգամ տեսել եք սոցիալական տիրույթում, անպայման ստուգեք դեսպանատան կայքում, ստուգեք ամսաթիվը: Եթե լեզուն չգիտեք, օգտագործեք Google translate:
 

Միշտ հիշե՛ք, տեղեկատվական պատերազմի պայքարի կարևոր բաղադրիչ է: Ադրբեջանը գրոհը սկսում է հենց երեկոյան ժամերին:
 

Նպատակը՝ ստուգել հանրության դիմադրությունը, խոցելիությունը, ստուգել համապատասխան կառույցների աշխատանքը: Կառույցները ցավոք, չեն աշխատում, հանրությունն էլ սկսում է խուճապի մատնվել: Դրա համար հորդորում եմ՝ եղեք զգոն, գիտակից, մի տրվեք քարոզչական ծուղակներին:

Իրադրությունը բարդ է, դրա համար էլ զգոնությունը պետք է լինի կրկնակի:
Խաղաղ գիշեր ու անփորձանք ծառայություն սահմաններին կանգնած մեր զինվորներին: Հիշե՛ք՝ իրենց թիկունքը պետք է լինի ամուր, իսկ թիկունքը՝ մենք ենք»: