«Եթե հաստատվեց, որ սա ռուսական ԱԹՍ է, ապա այս իրավիճակը լիովին անընդունելի կլինի». Ռումինիայի նախագահ

Ռումինիայի նախագահ Կլաուս Յոհանիսը պահանջել է շտապ հետաքննություն անցկացնել չորեքշաբթի օրը ռումինական լրատվամիջոցներում երկրում անօդաչու թռչող սարքի բեկորների հայտնաբերման մասին հայտնված տեղեկատվության կապակցությամբ, թեև ավելի վաղ պաշտպանության նախարարությունը, ԱԳՆ-ն և ինքը՝ Յոհանիսը հերքել էին Կիևի հայտարարությունները, թե անօդաչու թռչող սարքի բեկորներ են ընկել։  

«Հայտնված տեղեկատվության հետ կապված՝ ես իրավասու մարմիններից պահանջել եմ հրատապ մասնագիտական ​​հետաքննություն սկսել այդ բեկորների ծագման վերաբերյալ, ինչպես նաև պարզել այն պահն ու հանգամանքները, որոնցում դրանք հայտնվել են Ռումինիայի տարածքում։ Եթե հաստատվեց, որ սա ռուսական անօդաչու թռչող սարք է, ապա այս իրավիճակը լիովին անընդունելի կլինի և կդիտարկվի որպես ՆԱՏՕ-ի դաշնակից Ռումինիայի ինքնիշխանության և տարածքային ամբողջականության լուրջ խախտում»,- ասել է Յոհանիսը;

Չորեքշաբթի ավելի վաղ ռումինական Antena-3 հեռուստաալիքը, վկայակոչելով պաշտպանության նախարար Անժելա Տիլվարային, հայտնել էր, որ երկրում հայտնաբերվել են բեկորներ, որոնք կարող են լինել անօդաչու թռչող սարքերի մասեր։ Թիլվարն ընդգծել է, որ առարկաները վտանգ չեն ներկայացնում։