ԱՄՆ Տեխաս նահանգում մեքենան մխրճվել է արագ սննդի կետի մեջ, առնվազն 23 մարդ վիրավորվել է։ Այս մասին հայտնում է ABC հեռուստաալիքը՝ տեղի ոստիկանությանը հղումով։

Վթարը տեղի է ունեցել երկուշաբթի՝ սեպտեմբերի 4-ին, Ռոզենբերգ քաղաքում։

Տուժածները տարբեր աստիճանի վնասվածքներով հոսպիտալացվել են։ Հրապարակված նկարներում երևում է, որ ամբողջ մեքենան մտել է ռեստորանի շենք՝ առաջացնելով բազմաթիվ ավերածություններ։

Վարորդը, որը վթարի հետևանքով չի տուժել, հարցաքննվում է ոստիկանությունում։ Իրավապահները դեռ չեն հստակեցնում՝ արդյոք վարորդի գործողություններում հանցավոր դիտավորություն է եղել։